بقلم:حسام الامام
ايام قليلة وتبدأ عملية التصويت لانتخاب اعضاء مجلس الشيوخ ( الشوري سابقا ) وفي محافظة السويس بزغ نجم المرشحة داليا سمير ابو العلا بنت السويس بمعني الكلمة علي عكس اغلب المرشحين الذين أتوا من محافظات اخري ويعتمدون علي ولاء ابناء جلدتهم من الجمعيات الأهليه.

وعلي مر العصور كان ابناء تلك المحافظة من القلائل وتسيطر علي مقاعد المجالس بصفة عامة جمعيات النفع العام المنتمية للمحافظات الاخريوكان تسيطر عمليات المصالح علي الجو الانتخابي في السويس (بلد الغريب).

وعلي غير تلك العادة قامت المرشحة داليا بغزو تلك الاماكن ليعلو صيتها بين ابناء المحافظة، وفي سؤال واحد للدكتوره داليا وجهه اليها من جريدتنا وهو من هي داليا سمير ابو العلا؟ قالت:
نبذه عن مرشحه حزب المؤتمر
” أنا داليا سمير محمد أحمد، المشهورة بين أهلي وأحبابي في السويس باسم داليا أبو العلا، مرشحة عن محافظة السويس في انتخابات مجلس الشيوخ 2025.

أنا بنت السويس، اتولدت وكبرت هنا، وتعلمت من أهلها معنى الجدعنة والكرامة والانتماء.
اتخرجت من كلية التجارة بجامعة قناة السويس، وكملت دراستي بدبلومة تربوية، ثم حصلت على ماجستير في الإدارة المالية من الأكاديمية العربية والمصرفية.
وبشتغل حاليًا محاسب أول في شركة بترول بلاعيم (بتروبل).

لكن حياتي مش كانت أرقام وشغل إداري بس…
أنا مؤمنة من بدري إن الخدمة العامة مش منصب، دي رسالة.
اشتغلت قبل كده مدرسة حاسب آلي في أكتر من مدرسة بالسويس، واشتغلت وسط ولادنا وبناتنا، وكنت دايمًا قريبة من الناس ومشاكلهم.
اشتركت في جمعيات خيرية، وكنت جزء من مجموعات تطوعية بتساعد المحتاجين وتمد إيد العون لكل اللي محتاج دعم أو كلمة طيبة.

وترشحي لمجلس الشيوخ مش طموح شخصي…
هو استكمال لمشوار بدأته من سنين، مشوار خدمة أهل بلدي، مشوار إني أكون صوتهم الحقيقي جوه المجلس، أنقل همومهم، أطرح أفكارهم، وأسعى لحلول واقعية وقابلة للتنفيذ.

أنا شايفة إن السويس تستحق أكتر،
تستحق تمثيل حقيقي يعبر عنها…
تستحق إن صوتها يوصل…
وإن مشاكلها ما تبقاش مهمّشة ولا منسية.

أنا جاية علشان أشتغل،
مش جاية أتكلم وخلاص…
اللي يعرفني، يعرف إني مش بوعد إلا وأنا قادرة أنفذ، وإن اللي بقوله النهارده، هافضل أشتغل عليه كل يوم، لحد ما يتحقق”.

رسالتي لأهلي في السويس:
صوتكم أمانة، وأنا قدّ الأمانة دي.
صوتكم هيفرق، وصوتكم هو اللي هيحرك عجلة التغيير.
داليا سمير
رمز سيف
رقم 8
فهل تنتصرربنت السويس وتجتاز عقبة المحسوبين وهيمنة المحافظات ام تظل السويس بلد الغريب؟
سؤال ننتظر إجابته قريباً.